STEALING AOMBA RADHI KWA KUCHELEWA KURIPOTI 'THREE LIONS'

Kocha mkuu wa timu ya taifa ya Uingereza, Gareth Southgate amesema mchezaji Raheem Sterling amewaomba radhi wachezaji wenzake kwa kuchelewa kuripoti kambi ya timu ya Taifa kujiandaa na kombe la dunia.

Mshambuliaji huyo wa Manchester City alipaswa kuripoti kambini Jumanne lakini amechelewa baada ya kuchanganya ndege kutoka Jamaica kurejea Uingereza.

Sterling alipamba vichwa vya habari mbalimbali Ulaya wiki hii baada ya kupiga picha akiwa amejichora tattoo yenye bastola katika mguu wake wa kulia.

Southgate yupo tayari kumtumia Sterling katika mchezo wa kirafiki dhidi ya Nigeria utakaopigwa katika uwanja wa Wembley usiku wa leo.

"Aliomba radhi kwa wachezaji wenzake, ameelezea jinsi anavyoyapa umuhimu mashindano haya.

"Kila mtu amekubaliana nae baada ya mjadala mrefu, kwa sasa akili zetu tumeziamishia kwenye mashindano ya kombe la dunia," alisema Southgate.

Sterling anatarajiwa kuwa mmoja wa wachezaji muhimu wa Uingereza kwenye mashindano hayo ambapo Southgate hakuweka wazi kuwa mshambuliaji huyo amepewa adhabu gani.