RIVALDO: MAN UNITED IMELAMBA DUME KWA FRED

Gwiji wa timu ya taifa ya Brazil, Rivaldo amesema Manchester United wamepata mchezaji mzuri baada ya kufanikiwa kumsajili Fred.

United wametoa taarifa rasmi katika mtandao wa klabu yao kwa kukamilisha usajili wa Mbrazil huyo ambapo wameahidi kumtambulisha rasmi baadae.

Fred amecheza mechi nane za timu ya taifa ya Brazil na amejumuishwa katika kikosi cha wachezaji 23 kitacho shiriki fainali za kombe la dunia nchini Urusi wiki moja ijayo.

Rivaldo ambaye alishinda taji la dunia mwaka 2002 anaamini Fred atakuwa mtu sahihi katika kikosi cha United.

"Fred ni mchezaji mzuri kama wengine lakini unapohama kutoka nchi moja kwenda nyingine anahitaji kupewa muda kuzoea mazingira.

"Lakini unapokuwa mchezaji mzuri kama Fred unafanya vizuri sehemu yoyote, nadhani atafanya vizuri akiwa na United ni timu sahihi kwake," alisema Rivaldo.