CHELSEA YAHAMIA KWA BLANC KUCHUKUA MIKOBA YA CONTE

Chelsea ipo kwenye mazungumzo na kocha wa zamani wa Paris Saint-Germain na timu ya taifa ya Ufaransa Laurent Blanc wakiendelea kutafuta mrithi wa Antonio Conte.

Awali kulikuwa taarifa kuwa wamemchukua kocha wa Napoli Maurizio Sarri (59) kwa mkataba wa miaka miwili wenye thamani ya pauni 5.5 milioni.

Lakini Chelsea wanatakiwa kuilipa Napoli pauni 7 milioni ili kuvunja mkataba wa Sarri kitu ambacho kinaonyesha huenda dili hilo likafa.

Baada ya Chelsea kutakiwa kulipa kiasi hicho cha pesa sasa wamehamia kwa Blanc ambaye anapatikana bila masharti magumu.

Mkurugenzi wa Napoli Aurelio De Laurentiis amewataka Chelsea kutoa kiasi hicho ili kumpata Sarri ambaye nafasi yake imechukuliwa Carlo Ancelotti.

"Hatuwezi kupunguza chochote kwenye dau la Sarri, mpaka hakuna mtu aliyenifuata kuhusu kipengele hichi cha usajili wa kocha Sarri," alisema De Laurentiis.