HIVI HAPA VIINGILIO VYA MCHEZO WA FAINALI YA FA JUMAMOSI

Viingilio vya mchezo wa fainali ya kombe la FA kati ya Singida United dhidi ya Mtibwa itakayofanyika Jumamosi katika uwanja wa Sheikh Amri Abeid jijini Arusha vimetangazwa hii leo.

Mzunguko utakuwa sh 1000, mageti A na B itakuwa sh 2000 wakati VIP A itakuwa sh 10,000.

Msemaji wa Shirikisho hilo Clifford Ndimbo ndiye aliyetangaza viingilio hivyo mbele ya waandishi wa habari katika makao makuu ya Shirikisho hilo yaliyopo Karume Dar es Salaam.

Bingwa wa michuano hiyo atapata kikombe pamoja kitita cha sh milioni 50 mshindi wa pili atapata sh milioni 10 ambapo msimu uliopita hakukuwa na zawadi.

Mbali na zawadi hizo kutakuwa pia tuzo ya mchezaji bora wa fainali, mchezaji bora wa michuano, kipa bora na mfungaji bora.

"Tumeamua kuweka viingilio vya bei ya chini ili kuiwawezesha mashabiki wengi kujitokeza kwa wingi," alisema Ndimbo.

Simba ndiye bingwa mtetezi wa michuano hiyo lakini alitolewa kwenye hatua za mwanzo na timu ya Green Warriors iliyokuwa ligi daraja la pili.