MASHABIKI WA SIMBA WASAFIRI USIKU HUU KUONGEZA NGUVU KENYA

Baadhi ya Mashabiki wa klabu ya Simba kuelekea Nakuru Nchini Kenya

Mashabiki wengine wa klabu ya Simba wapo safarini usiku huu kuelekea Nairobi, Kenya kuipa sapoti timu yao ambayo imeingia nusu fainali ya michuano ya SportPesa Super Cup.

Simba itacheza na Kakamega Homeboyz katika hatua hiyo itakayopigwa siku ya Alhamisi katika uwanja wa Afraha.

Mashabiki wameambatana na baadhi ya Waandishi wa Habari ambao wanaenda kuripoti michuano hiyo ambayo imeanza kushika kasi.

Simba na Singida United ndio timu pekee za Tanzania zilizobaki kwenye michuano hiyo baada ya Yanga na JKU zimeshatupiwa virago.

Singida itakutana na mabingwa watetezi wa michuano hiyo timu ya Gor Mahia katika mchezo wa nusu fainali utakaofanyika siku ya Ijumaa.