MTIBWA HIYOO SHIRIKISHO AFRIKA, YATAWAZWA MABINGWA FA

Mtibwa Sugar ndio mabingwa wapya wa kombe la Azam Sports Federation Cup baada ya kupata ushindi wa mabao 3-2 dhidi ya Singida United katika mchezo wa fainali uliofanyika katika uwanja wa Sheikh Amri Abeid jijini Arusha.

Singida walicheza vizuri katika mchezo huo wakati Mtibwa ikionekana kutafuta matokeo na ambayo walifanikiwa kuyapata.

Mtibwa ilipata mabao mawili kipindi cha Kwanzaa dakika za 21 na 37 kupitia kwa Salum Kihimbwa na Issa Rashid 'Baba Ubaya'.

Salum Chuku aliifungia Singida bao la kwanza dakika ya 43 kabla ya Tafadzwa Kutinyu kuongeza la pili dakika ya 69.

Mwamuzi Emmanuel Mwandembwa alimtoa nje Baba Ubaya kwa kadi nyekundu kufuatia kadi ya pili ya njano dakika ya 80.

Ismail Mhesa aliifungia Mtibwa bao la ushindi dakika ya 88 baada ya kupokea pasi safi ya Kelvin Sabato.