SINGIDA MSHINDI WA TATU SPORTPESA

Singida United imekuwa mshindi wa tatu katika michuano ya SportPesa Super Cup baada ya kuifunga Kakamega Homeboyz kwa mikwaju ya penati 4-1.

Mchezo huo ulimalizika kwa sare ya kufungana bao moja na kupelekea kwenda katika hatua hiyo ya mikwaju ya penati.

Kakamega walikuwa wa kwanza kupata bao dakika ya nne kupitia kwa Wycliff Opondo baada ya walinzi wa Singida kuchelewa kuondoa hatari.

Baada ya bao hilo Singida walizinduka na kufanya mashambulizi mengi langoni mwa Kakamega lakini walienda mapumziko wakiwa nyuma kwa bao hilo.

Danny Lyanga aliisawazishia Singida bao hilo kwa kichwa dakika ya 63 baada ya kupokea krosi safi upande wa kulia kutoka kwa Miraji Adam.

Muda mfupi kutoka sasa mchezo wa fainali ya michuano hiyo kati ya Gor Mahia dhidi ya Simba utaanza.