YANGA YATHIBITISHA KUTOKUSHIRIKI KAGAME CUP

Timu ya Yanga imethibitisha kuwa haitashiriki michuano ya kombe la Kagame kutokana na ratiba ilivyowabana ambapo tayari imewapa mapumziko wachezaji wake.

Michuano hiyo imepangwa kuanza Juni 29 na Yanga ilikuwa imepangwa kundi C pamoja na timu za Simba, St. George ya Ethiopia na Dakadaha ya Somalia.

Msemaji wa klabu hiyo, Dismas Ten amesema wamepeleka taarifa Shirikisho la mpira wa miguu Tanzania (TFF) kuhusu kujitoa kutoshiriki michuano hiyo.

"Ni kweli hatutashiriki michuano ya Kagame na Katibu mkuu ameandika barua na kuipeleka TFF kuwaambia tumejitoa katika mashindano.

"Ukiangalia katika mechi zetu za mwisho tulicheza mechi mfululizo halafu tukashiriki tena SportPesa halafu bado Kagame kwahiyo tumewaruhusu wachezaji wetu wapumzike ili kujiandaa na mechi ya makundi kombe la Shirikisho Afrika," alisema Ten.

Inasemaka moja ya sababu iliyopelekea Yanga kuchukua maamuzi hayo ni kupangwa kundi moja na Watani wao Simba.