Timu ya Yanga imeahidi kufanya makubwa katika michuano ya SportPesa Super Cup ikiwemo kutwaa taji la mshindano hayo yanayoanza leo nchini Kenya.
Yanga inafungua pazia la michuano leo saa 7 mchana dhidi ya Kakamega Home Boys na baadae mabingwa watetezi Gor Mahia watacheza na JKU.
Mabingwa hao wa zamani wa bara wamesema wameyapa umuhimu mkubwa mashindano hayo baada ya kushindwa kufanya vizuri kwenye mashindano ya nyumbani.
Mwenyekiti wa kamati ya usajili wa klabu hiyo, Hussein Nyika amesema lengo lao kubwa ni kuibuka na ubingwa wa mashindano hayo kitu ambacho kipo ndani ya uwezo wao.
"Lengo letu kubwa ni kutwaa ubingwa wa michuano hii, uwezo huo tunao na wachezaji wapo katika hali nzuri kuelekea mechi yetu ya ufunguzi leo mchana dhidi ya Kakamega," alisema Nyika.
Bingwa wa michuano ataenda nchini Uingereza kucheza na timu ya Everton katika uwanja Godson Park.
Post a Comment