TRY AGAIN: HAKUNA MCHEZAJI MUHIMU WA SIMBA ATAKAYEONDOKA

Kaimu rais wa timu ya Simba, Salim Abdallah 'Try Again' amewatoa hofu wapenzi na mshabiki wa mabingwa hao kuwa hakuna mchezaji muhimu ambaye ataondoka.

Kauli hiyo imekuja siku chake baada ya tetesi za baadhi ya nyota waliomaliza mikataba yao kutaka kuondoka akiwemo Shiza Kichuya kitu ambacho Try Again amewatoa hofu mashabiki wa mabingwa hao.

Hata hivyo taarifa ambazo SDF Sports imezipata muda mfupi uliopita ni kwamba tayari Kichuya ameongeza mkataba wa miaka miwili kuendelea kuwatumikia mabingwa hao.

Try Again amesema mchezaji wa Simba atakaye ondoka itakuwa ni mapendekezo ya benchi la ufundi lakini wale muhimu wote watabaki.

"Labda niwatoe hofu wapenzi na mashabiki wa Simba kuwa hakuna mchezaji muhimu atakayeondoka, tunaandaa kikosi imara kwa ajili ya msimu ujao," alisema Try Again.

Kiongozi huyo ameongeza kuwa kesho kuna wachezaji watatu watasafiri kuelekea Kenya kujiunga na wenzao kwa ajili ya michuano ya SportPesa Super Cup.