KUTINYU AMFUATA PLUIJM AZAM FC

Kiungo Tafadzwa Kutinyu amemfuata kocha wake Hans van Pluijm baada ya kukamilisha usajili wa kujiunga na klabu ya Azam muda mfupi uliopita.

Wawili hao walikuwa pamoja katika timu ya Singida United msimu uliopita na jana walicheza mechi ya mwisho katika mchezo wa fainali ya FA  waliolala mbele ya Mtibwa Sugar mabao 3-2.

Kutinyu anakuwa Mzimbabwe wa pili kutua ndani ya kikosi hicho baada ya Donald Ngoma kufanya hivyo wiki mbili zilizopita.

Azam imedhamiria kufanya vizuri msimu ujao kutokana na usajili inao endelea kuufanya huku wakiendelea kuhusishwa na baadhi ya nyota wa ndani.

Kupitia ukurasa wao Instagram, Azam imeweka picha ya kiungo huyo akiwa na meneja Philip Alando.

Kutinyu ameenguliwa kwenye kikosi cha Singida kinacho safiri kwenda Kenya kwa ajili ya mashindano ya SportPesa Super Cup.