YANGA YATOA UFAFANUZI WA KUTOVAA JEZI ZA SPORTPESA

Uongozi wa klabu ya Yanga umesema walishindwa kuvaa jezi zenye nembo ya mdhamini wao SportPesa kwakua walizuiwa kutumia sababu hawakuianisha kwenye kikao cha maandalizi (Pre Match meeting).

Katika mchezo wa jana wa kombe la Shirikisho Afrika hatua ya makundi dhidi ya USM Alger waliokubali kipigo cha mabao 4-0 wachezaji wa Yanga walivaa jezi zisizokuwa na nembo ya mdhamini SportPesa.

Aprili 22 afisa wa Yanga alishindwa kuhudhuria kikao cha maandalizi kilichofanyika nchini Misri kutokana na kukosa VISA  ingawa uongozi ulishughulikia hatua zote hali iliyosababisha kutokea jambo hilo.

Katibu mkuu wa klabu hiyo amesema walilazimika kuiziba sehemu yenye nembo ya mdhamini sababu haikuanishwa kwenye kikao cha maandalizi.

Mkwasa amesema wamewasiliana na Shirikisho la mpira wa miguu Tanzania (TFF) kulimaliza suala hilo ili katika michezo mingine wavae jezi zenye nembo ya mdhamini.

Uongozi wa klabu ya Yanga umeiomba radhi kampuni ya SportPesa kwa kadhia hiyo huku wakiahidi kutorudia tena.