MSERBIA KUZIHUKUMU LIVERPOOL, MADRID FAINALI ULAYA

Mwamuzi Milorad Mažić raia wa Serbia ameteuliwa kuchezesha mchezo wa fainali wa ligi ya mabingwa Ulaya kati ya Real Madrid na Liverpool.

Kamati ya waamuzi ya UEFA imemteua Mserbia huyo kuchezesha fainali hiyo itakayopigwa Jumamosi ya Mei 26 katika uwanja wa NSC Olimpiyskiy katika jiji la Kyiv nchini Ukraine.

Mažić, 45, amekuwa mwamuzi wa kimataifa tangu mwaka 2009 na amechezesha mechi nne za ligi ya mabingwa pamoja na mbili za Europa msimu huu.

Mazic alichezesha mchezo wa fainali wa kombe la kombe la mabara kati ya Chile na Ujerumani mwaka 2016 pamoja na fainali ya UEFA Super Cup kati ya Real Madrid na Sevilla.

Mažić atasaidiwa na Milovan Ristić, Dalibor Djurdjević wote kutoka Serbia,  mwamuzi wa akiba ni Clement Turpin kutoka Ufaransa wakati mwamuzi wa dharura akiwa Nemanja Petrović nae pia kutoka Serbia.