YANGA YALIPA KISASI KWA MBAO, YAIPIGA MOJA TAIFA

Timu ya Yanga imelipiza kisasi kwa Mbao FC baada ya kuifunga bao moja katika mchezo wa ligi uliofanyika katika uwanja wa Taifa.

Katika mchezo wa kwanza uliofanyika katika uwanja wa CCM Kirumba mzunguko wa Kwanza Mbao ilishinda mabao 2-0.

Thaban Kamusoko aliifungia Yanga bao hilo dakika ya 25 kwa shuti kali la adhabu uliotinga wavuni moja moja nje ya 18 baada ya mchezaji mmoja wa Mbao kuunawa mpira.

Baada ya bao hilo Mbao walirudi kwa kasi kutaka kusawazisha lakini walinzi wa Yanga walifanya kazi kubwa kuhakikisha hawaruhusu nyavu zao kuguswa.

Kipindi cha pili Mbao waliongeza kasi kutaka kusawazisha bao hilo kwa kufanya mashambulizi kadhaa lakini hawakufanikiwa.

Hata hivyo Yanga ilikuwa inaweza kuibuka na ushindi zaidi ya huo kwani wachezaji Matheo Anthony, Pius Buswita na Geofrey Mwashiuya walipoteza nafasi za wazi.

Yanga imefikisha pointi 51 nafasi ya tatu alama nne nyuma ya Azam walio nafasi ya pili.