KANE APEWA KITAMBAA CHA UNAHODHA UINGEREZA

Kocha wa timu ya taifa ya Uingereza Gareth Southgate amemtangaza mshambuliaji Harry Kane kuwa nahodha wake katika kikosi kitakachoshiriki michuano ya kombe la dunia itakayofanyika nchini Urusi mwezi ujao.

Southgate ametangaza maamuzi hayo asubuhi ya leo katika mkutano wa waandishi wa habari akiwa katika maandalizi ya michuano hiyo.

Kocha huyo amemwagia sifa Kane kuwa anastahili kuwa kiongozi wa timu hiyo kutokana na uwezo alio onyesha msimu huu kulinganisha na wachezaji wengine walio kikosini.

Kane amechukua kitambaa hicho kutoka kwa Jordan Henderson ambaye ameiongoza Liverpool kutinga fainali ya michuano ya ligi ya mabingwa Ulaya.

''Harry ni mchezaji mzuri na jambo muhimu kwa nahodha ni kuwa katika kiwango bora muda wote, nadhani yupo tayari kwa changamoto hii.

"Ni heshima kwa Harry na anastahili kupata nafasi hii kwakua ana sifa za kuwa kiongozi, nadhani kwa sasa yeye ndio anastahili zaidi," alisema Soughagate.