PELLEGRIN AMRITHI MOYES WEST HAM

Klabu ya West Ham United imethibititisha kuwa Manuel Pellegrini ndio Meneja wao mpya aliechukua mikoba ya David Moyes.

Wagonga nyundo hao wamekuwa wakiwafanyia usaili makocha mbalimbali tangu alipotimka Moyes  mwishoni mwa msimu.

Mameneja wengine waliokuwa wakihusishwa na kuchukua kibarua hicho ni Rafael Benitez na Paulo Fonseca lakini klabu hiyo imeamua kumpa raia huyo wa Chile mwenye miaka 64.

"Nina furaha kumkaribisha Manuel Pellegrini kuwa Meneja mpya wa West Ham United. Ni mmoja wa makocha wenye heshima kubwa duniani na jambo zuri kufanya nae kazi.

"Ni jambo muhimu kumteua kocha mwenye uwezo na uzoefu katika ligi kuu ya Uingereza kwa timu tunazokutana nazo,"alisema Mwenyekiti wa klabu hiyo David Sullivan.

Kocha huyo wa zamani wa Villarreal, Real Madrid na Malaga zote za Hispania amerejea Uingereza miaka minne baada ya kuiongoza Manchester City kutwaa ubingwa msimu wa  2013-14.