NYOTA WA NDANDA AFURAHI KUTAJWA YANGA

Mshambuliaji wa timu ya Ndanda FC, Tiber John ameweka wazi kuwa amefurahi kutakiwa na Yanga kwa ajili ya msimu ujao wa ligi.

Licha ya Ndanda kutokuwa na mwenendo mzuri msimu huu huku ligi ikielekea ukingoni Tiber ameonyesha uwezo mkubwa kiasi cha kuzivutia timu mbalimbali ikiwemo Yanga.

Tiber amesema amefurahi kuhusishwa na Yanga kwakua ni timu kubwa na inaashiria amefanya kazi nzuri msimu huu ambayo imeonekana na wengi.

Nyota huyo ameongeza kuwa kama  Yanga itamalizana na Ndanda kuhusu yeye hatakuwa na kipingamizi chochote cha kujiunga nao.

"Ni jambo kubwa kwa mchezaji kutakiwa na klabu kubwa kama Yanga, binafsi nimefurahishwa jambo hili kwangu ni kitu kikubwa.

"Kama Yanga ikimalizana na Ndanda mimi nitakuwa tayari kujiunga nao kwakua mpira ndio kazi yangu," alisema Tiber.