MBAO YATEGEMEA KUKAZIWA NA YANGA KESHO

Timu ya Mbao FC imesema itaingia kwa tahadhari kubwa katika mchezo wa kesho dhidi Yanga kwakua inafahamu wenyeji wao wametoka kupata vipigo mfufulizo.

Kocha wa Mbao, Fulgence Novatus amesema wanaratajia kupata ushindani mkubwa kutoka kwa Yanga kesho lakini wamejipanga kuhakikisha wanapata ushindi.

Yanga imetoka kupoteza mechi nne za ligi dhidi ya Simba, Tanzania Prisons, Mtibwa Sugar na Mwadui FC kitu ambacho kocha huyo anaamini hawatakubali kupoteza tena.

Kocha Novatus amesema Yanga haitakubali kupoteza mechi ya tano za ligi tena katika uwanja wa nyumbani kitu ambacho kinaongeza ugumu wa mechi hiyo.

"Mechi ya kesho itakuwa ngumu kwetu kwakua Yanga imepoteza mechi nne mfululizo hivyo lazima wahakikishe wanapata ushindi," alisema Novatus.

Katika mchezo wa kwanza uliofanyika katika uwanja wa CCM Kirumba jijini Mwanza Mbao ilishinda mabao 2-0.

Mbao imejihakikishia kusalia kwenye ligi msimu ujao baada ya kufikisha pointi 30 ikiwa nafasi ya 13.