SIMBA YAISOGELEA REKODI YA 'UNBEATEN' YACHANUA NAMFUA

Timu ya Simba imesogelea rekodi ya kuchukua ubingwa bila kufungwa baada ya kuibuka na ushindi wa bao moja dhidi ya Singida United mtanange uliopigwa katika dimba la Namfua.

Simba ndio mabingwa wapya wa ligi wakicheza mechi 28 bila kupoteza wakisalia na mechi mbili mkononi.

Singida ilikuwa inapewa nafasi kubwa ya kumsimamisha Simba katika rekodi ya kuchukua ubingwa bila kufungwa lakini nao wameshindwa.

Juma Kennedy akimdhibiti John Boccon

Kiraka Shomari Kapombe ndiye aliyefunga bao hilo dakika ya 24 kufuatia mlinda mlango Ally Mustaph kuokoa mpira wa John Bocco kabla ya kumkuta nyota huyo wa zamani wa Azam FC.

Matokeo hayo yameifanya Simba kufikisha pointi 68 alama 16 mbele ya Azam iliyo nafasi ya pili.

Mchezo mwingine Kagera  Sugar  imeibuka na ushindi wa mabao 3-1 dhidi ya Njombe Mji ambao wanaonekana hawawezi kuepuka na janga la kushuka daraja.

Njombe wapo mkiani mwa msimamo wa ligi ikiwa na pointi 22 huku ikisalia na michezo miwili pekee.