ALICHOSEMA KOCHA MASOUD KUHUSU UBINGWA WA SIMBA

Kocha msaidizi wa timu ya Simba, Masoud Djouma amesema kila mtu alitimiza majukumu yake ipasavyo ndani ya Wekundu hao ndio maana wameibuka na ubingwa wa ligi 2017/18.

Kocha amesema haikuwa kazi rahisi kufika hatua hiyo walipitia changamoto mbalimbali ndani na nje ya uwanjani lakini waliweza kuzivuka kwakua walikuwa kitu kimoja.

Raia huyo wa Burundi amewashukuru watu wote walioshiriki kwa namna moja au nyingine kupata ubingwa huo walio usubiri kwa miaka minne.

"Ni furaha kubwa kwangu na familia nzima ya Simba kwa kufanikiwa kushinda ubingwa huu muhimu kwetu.

"Tumeonyesha mshikamano mkubwa mpaka kufikia hatua hii kila mtu alitimiza majukumu yake kwa wakati hongera kwa Wanasimba wote," alisema kocha Masoud.