NYIKA: NINI NGOMA WALIKUWEPO WAKINA MWALALA, SUNGUTI

Mwenyekiti wa kamati ya usajili wa klabu ya Yanga, Hussein Nyika amesema kuondoka kwa Donald Ngoma sio mwisho wa Yanga walikuwepo wachezaji wazuri na bora kabla yake.

Jana Ngoma ambaye alitumia msimu mzima nje ya uwanja kuuguza majeraha ya goti alitambulishwa kama mchezaji mpya wa Azam FC baada ya kusaini mkataba wa mwaka mmoja.

Nyika amesema Yanga ni timu kubwa na wamepita wachezaji wazuri kama Ben Mwalala, Mourice Sunguti na wengineo kwahiyo hata kuondoka kwa Mzimbabwe sio jambo kubwa.

Mwenyekiti huyo ameongeza kuwa tayari walikuwa wapo kwenye mchakato wa kutafuta mbadala wa Ngoma ingawa hawakutegemea kuondoka ghafla.

"Yanga ni timu kubwa, kama Ngoma ameondoka kuna wengine watakuja, kulipita mastaa wengi wakina Mwalala, Sunguti na wengineo na Yanga ikabaki.

"Tumejifunza mambo mengi kupitia suala hili la Ngoma, alikuwa anajifanya anaumwa kumbe ana mipango yake mingine ila mwisho wa siku namtakia kila la kheri," alisema Nyika.