HII HAPA TAREHE MPYA YA MKUTANO MKUU WA YANGA

Klabu ya Yanga imetangaza mabadiliko ya tarehe ya mkutano mkuu wa wanachama ambapo sasa umepangwa kufanyika Juni 10.

Awali mkutano huo ulipangwa kufanyika Juni 17 lakini mabadiliko hayo yameurejeshwa nyuma kwa wiki moja.

Sababu ya kurudisha nyuma mkutano huo ni kutokana na ile tarehe iliyopangwa awali kuwa huenda ikaangukia sikukuu ya Eid El fitr.

Taarifa iliyotolewa na Uongozi wa klabu hiyo imewataka wanachama kuhakikisha wanalipia kadi zao ili kuruhusiwa kushiriki mkutano huo.

Kuhusu ajenda na sehemu utakapofanyika mkutano huo zitatangazwa kwa wanachama siku chache zijazo.

Katika mkutano huo kadi zote mpya (za posta) na zile za zamani zitatumika kikubwa ziwe zimelipiwa tu.