NGOMA APEWA JEZI NAMBA 11 AZAM FC

Mshambuliaji wa zamani wa timu ya Yanga Donald Ngoma atakabidhiwa jezi 11 na Azam FC  baada ya kujiunga nao kwa mkataba mpya wa mwaka mmoja.

Ngoma alikuwa akivaa namba hiyo tangu akiwa Yanga ambapo kwa sasa hakuna anayeivaa pale Azam baada ya kuondoka kwa Yahaya Mohammed.

Kupitia katika Website ya klabu hiyo  Azam imethibitisha kumalizana na raia huyo wa Zimbabwe na msimu ujao atavaa jezi za Wana lamba lamba hao. 

Baada ya kuingia makubaliano hayo muda wowote kuanzia sasa Azam itampeleka mchezaji huyo katika Hospitali ya Vincent Pallotti jijini Cape Town, Afrika Kusini kwa ajili ya kumfanyia vipimo vya afya ili kuona ni kwa kiasi gani majeraha yaliyokuwa yakimsumbua yamepona.

Aidha kama mambo yataenda vizuri, uongozi wa Azam FC unaamini kuwa Ngoma atakuwa ni miongoni mwa nyota wapya wa timu hiyo watakaoonekana kwenye Kombe la Kagame (CECAFA Kagame Cup) linalotarajia kuanza hivi karibuni wakiwa mabingwa watetezi wa michuano hiyo.