Washambuliaji hao watakutana kesho katika mchezo wa fainali wa ligi ya mabingwa Ulaya utakaofanyika katika mji wa Kiev nchini Ukraine.
Salah amekuwa katika kiwango bora msimu huu akifunga mabao 32 katika mechi 38 za ligi kuu Uingereza huku akifunga 11 kwenye michuano ya klabu bingwa.
Ronaldo 33, amesema hawapaswi kulinganishwa na raia huyo wa Misri kwakua ni uchezaji wao ni tofauti.
"Watu wananilinganisha mimi na wachezaji wengine, nipo tofauti na mchezaji yoyote, Salah pia yuko tofauti na wengine.
"Anatumia mguu wa kushoto, mimi kulia, mimi ni mrefu yeye mfupi, nafunga mabao ya vichwa zaidi yake, kwahiyo tupo tofauti.
"Lakini nakubali kuwa Salah amekuwa na msimu mzuri, ngoja tuangalie kesho Jumamosi kitu gani kitatokea," alisema Ronaldo.
Post a Comment