MASOUD AWAALIKA MASHABIKI KUISAMBARATISHA SINGIDA NAMFUA

Kocha msaidizi wa timu ya Simba, Masoud Djuma amewataka mashabiki wa timu hiyo kujitokeza kwa wingi katika mchezo wao dhidi ya Singida United utakaopigwa uwanja wa Namfua Jumamosi ili kuwapa sapoti.

Masoud amesema wanahitaji ushirikiano kutoka kwa mashabiki katika mtanange huo ambao wanahitaji ushindi ili kutawazwa mabingwa wapya wa ligi msimu huu.

Raia huyo wa Burundi amesema wanaiheshimu Singida kutokana na uwezo mkubwa walionao na wapo uwanja wa nyumbani lakini wao wamejipanga vizuri kuhakikisha wanashinda.

Masoud amesema wachezaji wote wapo kwenye hali nzuri na morali ipo juu kuelekea mchezo huo ambao wamejipanga kuibuka na ushindi.

"Tumawaomba mashabiki wetu wajitokeze kwa wingi kutupa sapoti kama wanavyofanya siku zote ili kuibuka na ushindi na hatimaye tuchukue ubingwa," alisema kocha Masoud.

Katika mchezo wa kwanza uliofanyika kwenye uwanja wa Taifa, Simba ilishinda mabao 4-0.