PRISONS: TUNAIVUA UBINGWA YANGA LEO

Kocha mkuu wa timu ya Tanzania Prisons, Mohamed Abdallah anaamini maandalizi waliyofanya wanaweza kuibuka na ushindi katika mchezo wa leo dhidi ya Yanga katika uwanja wa Sokoine.

Endapo Yanga itapoteza mchezo wa leo au kutoka sare rasmi itakuwa imevuliwa ubingwa wa ligi kwani hata kama itashinda mechi zake tano zilizobaki haiwezi kuzifikia alama 65 ilizonazo Simba.

Kocha huyo ameongeza kuwa wanaheshimu wapinzani wao Yanga kwakua ni timu imara na ina wachezaji wazuri lakini wamejipanga kuhakikisha wanapata ushindi.

Mohamed amesema wachezaji wake wapo kwenye hali nzuri na morali ipo juu wakisubiri muda ufike wa mtanange huo.

"Maandalizi ya mchezo yamekamilika wachezaji wapo tayari kupambana na wameahidi ushindi," alisema Kocha Mohamed.

Prisons ipo nafasi ya nne kwenye msimamo ikiwa na pointi 41 alama saba nyuma ya Yanga iliyo nafasi ya tatu.