KAPOMBE MCHEZAJI BORA WA SIMBA SPORAA MWEZI APRILI

 Kiraka Shomari Kapombe amechaguliwa mchezaji bora wa mwezi Aprili na kundi la Simba Sporaa.

Simba Sporaa imekuwa na utaratibu wa kutoa tuzo ya mchezaji bora kila mwezi ili kuwapa motisha ya kufanya vizuri katika mechi za ligi.

Kapombe amekabidhiwa fedha taslimu shilingi laki tano na fremu yenye picha yake kama sehemu ya tuzo hiyo.

Baada ya kupewa tuzo hiyo Kapombe amewashukuru Sporaa kwa kuuona mchango wake na amewaahidi kuendelea kufanya vizuri katika michuamo mbalimbali ijayo.

"Nashukuru sana kwa sapoti yenu natambua mchango wenu kwenye kazi yangu nitaendelea kufanya vizuri zaidi ili mpate mnachokihitaji,asanteni sana kwa zawadi hii," alisema Kapombe.