KAHEZA AZIANIKA TIMU ZINAZO MTOLEA MACHO

Nyota wa timu ya Majimaji, Marcel Kaheza amezitaja timu za Simba, Yanga, Azam na Singida United kuwa zinahitaji saini yake baada ya kumalizika kwa msimu huu.

Kaheza yupo kwenye kiwango bora kwa sasa na alipata tuzo ya mchezaji bora wa ligi mwezi Aprili.

Mshambuliaji huyo amesema amepokea ofa nyingi kutoka timu mbalimbali lakini ataangalia atakapopewa dau nono zaidi ndipo atakapo kubali kutia saini.

Kaheza ataiongoza Majimaji katika mchezo wa mwisho wa ligi siku ya Jumatatu dhidi Simba katika mtanange ambao watatakiwa kushinda ili kujiweka mazingira mazuri ya kusalia msimu ujao.

"Timu nyingi zimenifuatilia kutaka kunisajili ambazo ni Singida, Simba, Yanga pamoja na Azam lakini hatuna niliyokubaliana nayo mpaka sasa kikubwa nitaangalia maslahi," alisema Kaheza.

Mkataba wa Kaheza na Majimaji unamalizika mwishoni mwa msimamu huu.