FABREGAS AWACHANA WASHAMBULIAJI WA CHELSEA

Kiungo wa Chelsea, Cesc Fabregas amewakosoa washambuliaji wa timu hiyo kwa kupoteza nafasi nyingi msimu huu.

Ushindi wa michezo mitano iliyopata imewafanya vijana hao wa Antonio Conte kurejea kusaka nafasi ya kumaliza top 4 na usiku wa leo watacheza na Huddersfield .

Chelsea imefunga zaidi ya mabao mawili katika mechi mara moja tangu mwezi Februari na wametoka sare ya bila kufungana mara nne katika michezo saba ya mashindano yote kuanzia  Disemba hadi Januari.

Fabregas anaamini kukosekana kwa umakini katika safu yao ya ushambuliaji kumeifanya Chelsea kupoteza pointi nyingi msimu huu.

"Tulitengeneza nafasi nyingi msimu huu kitu kikubwa tuliweza kupata ushindi, safu ya ulinzi imefanya vizuri haikuruhusu kufungwa mabao mengi.

"Lakini kitu cha kujutia msimu ni safu yetu ya ushambuliaji kwa kutotumia nafasi. Tulikuwa na nafasi nyingi za kufunga lakini hatukuzitumia.

"Tungeshinda mechi nyingi zaidi kama washambuliaji wetu wangetumia vizuri nafasi tulizotengeneza, lakini washambuliaji walionyesha udhaifu mkubwa," alisema Fabregas.