BALE AIBEBA MADRID, YACHUKUA TENA TAJI LA ULAYA

Mabao mawili ya winga Gareth Bale yameisaidia Real Madrid kuibuka mabingwa wapya wa ligi ya mabingwa Ulaya baada ya kuifunga Liverpool mabao 3-1 katika uwanja NSK Olimpiyskiy mjini Kyiv.

Hii ni mara ya 13 kwa Madrid kutwaa taji hilo ikiwa ni mara ya tatu mfululizo chini ya kocha Zinedine Zidane.

Bale aliingia kipindi cha pili kuchukua nafasi ya Isco alifunga mabao hayo dakika za 51 na 83.

Karim Benzema aliifungia Real bao la kwanza dakika ya 51 baada ya mlinda mlango Loris Karius kurusha bila kuchukua tahadhari kabla ya Sadio Mane kusawazisha dakika nne baadae.

Nyota Liverpool Mohammed Salah alishindwa kuendelea na mchezo huo baada ya kuumizwa bega na mlinzi Sergio Ramos dakika ya 30.

Dakika saba baadae mlinzi wa kulia wa Madrid, Daniel Carvajal nae alishindwa kuendelea na mchezo baada ya kuumia kifundo cha ngumu.

Mara ya mwisho Liverpool kuingia fainali ya michuano hiyo ilikuwa mwaka 2005 ilitwaa taji hilo mbele ya AC Milan.