AZAM NAYO YAINGIA MBIO ZA KUMUWANIA SALAMBA

Uongozi wa Azam FC umethibitisha kuwa umetuma barua kwa klabu ya Lupuli FC kwa ajili ya kuhitaji saini ya mshambuliaji Adam Salamba.

Siku chache zilizopita Salamba alihusishwa kutaka kujiunga na Yanga ambao wameonyesha nia ya kutaka kumsajili katika michuano ya kombe la Shirikisho Afrika kabla ya uongozi wa Lipuli kukanusha taarifa hizo.

Msemaji wa klabu ya Azam FC, Jaffer Idd amesema wamevutiwa na ubora wa mshambuliaji huyo na wanaamini atakuwa msaada mkubwa kwenye kikosi chao msimu ujao kama watafanikiwa kumpata.

Jaffer amesema hawakuwa na sababu ya kuficha jambo hilo wameliweka wazi kwa wadau wa soka ili kupunguza migogoro isiyo ya lazima.

"Tumewaandikia barua wenzetu wa Lipuli kuhitaji saini ya mshambuliaji wao Salamba, kama mazungumzo yataenda vizuri mchezaji huyo atakuwa mchezaji wetu msimu ujao," alisema Jaffer.

Salamba anatarajia kuchukua nafasi ya mshambuliaji Bernard Arthur raia wa Ghana aliyetangaza jana kuvunja mkataba na Azam baada ya kushindwa kukidhi mahitaji ya mabingwa hao wa Mapinduzi.