ATLETICO MABINGWA WAPYA WA EUROPA

Atletico Madrid wametawazwa mabingwa wapya wa Europa baada ya kuifunga Marseille mabao 3-0 katika mchezo wa fainali uliofanyika uwanja wa Groupma jijini Lyon,  Ufaransa.

Manchester United ndio walikuwa mabingwa wa watetezi baada ya kulitwaa taji hilo mwaka jana.

Mshambuliaji Antoine Griezmann ndiye aliyepeleka kilio kwa Marseille baada ya kufunga mabao mawili dakika za 21 na 49.

Kiungo Dimitri Payet wa Marseille alishindwa kuendelea na mchezo huo baada ya kuumia na kutolewa dakika ya 32.

Gabi alikamilisha karamu ya mabao baada ya kufunga bao la tatu dakika ya 89 baada ya kupokea pasi ya Koke.

Marseille walitegemewa kutoa upinzani mkubwa kwa Atletico lakini ilikuwa tofauti kwa jinsi walivyocheza.