YANGA YATULIZWA TAIFA, YAGAWANA POINTI NA RAYON

Yanga imeendelea kuwa na mwenendo mbovu katika mechi zake za karibuni kufuatia kulazimishwa sare ya bila kufungana na Rayon Sports ya Rwanda.

Mchezo huo uliofanyika uwanja wa Taifa, Dar es Salaam Yanga ilitakiwa kupata ushindi kwakua ilikubali kipigo cha mabao 4-0 kutoka kwa USM Alger.

Yanga ilicheza vizuri kipindi cha kwanza kwa kutengeneza nafasi kadhaa langoni mwa Rayon lakini walikosa umakini wa kutumbukiza langoni.

Kipindi cha pili Rayon waliongeza kasi na kutengeneza mashambulizi langoni mwa Yanga lakini safu ya ulinzi iliyokuwa chini ya Kelvin Yondani ilikuwa imara.

Dakika ya 68 Yanga ilitengeneza shambulizi kali langoni mwa Rayon kabla ya shuti la Obrey Chirwa kugonga mwamba wa juu.

Yanga iliwatoa Thaban Kamusoko, Obrey Chirwa na Geofrey Mwashiuya nafasi zao zikachukuliwa na Raphael Daud, Amiss Tambwe na Emmanuel Martin.

Yanga imejikusanyia alama moja baada ya mechi mbili ikiendelea kuburuza mkia.