KISHINDO CHA CARDIF NA REKODI ULAYA

Uwanja wa Millennium Cardiff unaojifunika kwa juu

October 30, 1974 kulifanyika pambano Kali la kihistoria la ngumi kati ya Mohamed Ally na George Foreman lililopigwa barani Africa katika nchi ya Zaire wakati huo, ambayo sasa inatambulika kama Democratic Republic of Congo. Pambano hilo lilitambulika kama Rumble in the jungle. Mpambano huu uliweka historia kwa kuwa pambano kubwa la uzito wa juu duniani kufanyika barani Africa.

Usiku wa Leo pale jijini Cardiff nchini Wales katika uwanja wa Millennium paa la uwanja huo litafunikwa na kushuhudia pambano kali la fainali ya ligi ya mabingwa barani Ulaya kati ya Juventus na Real Madrid. Ni pambano ambalo unaweza kulifananisha na lile la ngumi kwa maana kuna rekodi na historia inaenda kuwekwa kwa mara ya kwanza.

Madrid na Zidane kuweka historia?
Real Madrid ikitwaa ubingwa itaweka historia ambayo imeonekana kuwa ngumu sana kuwekwa katika michuano hii ya Ulaya, kwa bingwa mtetezi kutetea ubingwa wake. Real Madrid wakifanikiwa kushinda Leo wataweka historia hiyo kwa mara ya kwanza toka kubadilishwa mfumo kwa mashindano hayo.

Wakati huo huo Zinedine Zidane anataka kuweka historia ya kuwa kocha wa kwanza kutwaa ubingwa wa Ulaya Mara mbili mfululizo. Zidane ameshatwaa ubingwa huu akiwa mchezaji na ametwaa mara moja kama kocha, na sasa anataka kuweka historia mpya.

Ronaldo na magoli
Christiano Ronaldo alikuwa mchezaji wa kwanza kufikisha magoli 100 kwenye michuano hii ya Ulaya na kuweka rekodi ya kuwa mfungaji bora wa muda wote. Na msimu huu ameshafunga magoli 10 ambapo ni goli moja pungufu ya hasimu wake Lionel Messi wa Barcelona mwenye magoli 11.

Motisha kabambe
Real Madrid wameahidiwa kila mchezaji kupewa €1m ikiwa watatwaa ubingwa huu

Juventus na makombe matatu

Juventus wataingia uwanjani wakiwa wamechukua ubingwa wa Italia (scudeto) na ule wa kombe la Italia (coppa Italia) na wanataka kuweka historia ya kuchukua makombe matatu kwa Msimu mmoja kwa kubeba hili la klabu bingwa barani Ulaya.
Pia juventus  ndio timu pekee iliyocheza kuanzia mechi za makundi mpaka fainali bila kufungwa hata mechi moja, huku ikiweka rekodi ya kutofungwa bao kwa zaidi ya mechi 40. Bao la kinda Kylian Mbape wa Monaco katika mchezo wa mwisho wa nusu fainali ndio lilitibua rekodi hiyo ambapo Juve walishinda 2-1

Gigi Buffon golikipa wa Juve anataka kuweka historia ya kuwa mchezaji mwenye umri mkubwa kubeba taji hili, akiwa na umri wa miaka 39 sasa.

Juventus wamechukua ubingwa huu Mara mbili tu wakati wanafainali wenzao Real Madrid wanataka kuweka rekodi ya kuchukua kwa mara ya 12 mwaka huu.

Timu 3  zilizochukua ubingwa wa ulaya mara nyingi ni kama.ifuatavyo:-
Madrid ....11
Ac Milan....7
Liverpool ..5

Rumble in the jungle ilikuwa Congo, hii ya Cardiff tuiteje? Tukutane saa nne kasorobo kwa saa za Africa mashariki.