RONALDO, MADRID WAFALME ULAYA

Real Madrid wakishangilia ubingwa wa Ulaya

Ulikuwa ni usiku wa kipekee na wa kihistoria ndani ya dimba la Millenium Cardiff nchini Wales pale Real Madrid ilipoandika historia ya kipekee kwa kuweza kutetea ubingwa wake wa Ulaya ikiwa ni timu ya kwanza kufanya hivyo toka mashindano hayo yalipobadilishwa mfumo.
Na mshambuliaji wake hatari christiano Ronaldo akiandika historia nyingine kwa kuwa mchezaji wa kwanza kuweza kufunga katika fainali tatu za Ulaya.

Madrid waliandika bao la kwanza katika dakika ya 20 lililofungwa na Ronaldo kabla dakika ya 27 Juve kusawazisha kupitia kwa Mario Mandzukic, dakika ya 60 Casemiro alibisha hodi langoni kwa Juve na kufanikiwa kuiandikia Madrid goli la pili kwa shuti la mbali, kisha Ronaldo tena akapiga goli la 3 katika dakika ya 64 kabla ya Marco Asensio kupiga goli la 4 katika dakika ya 90 na kuifanya Madrid kupata ushindi mnono wa goli 4-1 dhidi ya vibibi kizee vya Turin.

Buffon akilipita kombe kama halioni vile

Ushindi huu wa Madrid unaipa ubingwa wa 12 huku pia kocha Zinedine Zidane akiandikisha historia ya kuwa kocha wa kwanza kuchukua ubingwa wa Ulaya na kuutetea msimu unaofuata.
Haya ni mafanikio makubwa kwa Zidane na Madrid. Ni dhahiri shahiri kwamba ulaya Mfalme ni mmoja tu.

Juventus walimaliza pungufu baada ya Juan Cuardado kupewa kadi nyekundu baada ya kuonywa mara mbili kwa kadi za njano. Kipigo hichi kinafuta rekodi ya Juve ya  kutofungwa msimu huu kwenye michuano ya Ulaya.