LIVERPOOL NI MOTOO!

Majogoo wa Anfield timu ya Liverpool imeendeleza wimbi la ushindi baada ya kuifunga West Ham United mabao 4-1 katika mechi ya ligi kuu nchini Uingereza.

Ushindi huo umewafanya vijana wa kocha Jurgen Kloop kuishusha Manchester United katika nafasi ya pili baada ya kufikisha pointi 57 alama moja mbele ya Mashetani hao.

Liverpool ilienda mapumziko ikiwa mbele kwa bao moja lililofungwa na kiungo Emre Can dakika ya 27 kwa kichwa baada ya kumalizia mpira wa kona uliopigwa na Mohammed Salah.

Kipindi cha pili Liverpool iliongeza mabao matatu yaliyofungwa na Salah, Roberto Firmino na Sadio Mane huku Antonio akiifungia West Ham bao la kufutia machozi.

Endapo United itaibuka na ushindi mbele ya Chelsea kesho itarejea nafasi ya pili kwani itafikisha pointi 59.

Matokeo ya mechi zote za ligi kuu nchini Uingereza zilizochezwa leo

Leicester City 1-1 Stoke City

AFC Bournemouth 2-2 Newcastle

Brighton & Hove  4-1 Swansea City

Burnley 1-1 Southampton

Liverpool 4-1 West Ham United

West Bromwich 1-2 Huddersfield