SINGIDA YAIFUTA NJOMBE MJI ROBO FAINALI FA

Timu ya Singida United imekuwa ya pili kutinga robo fainali ya michuano ya Azam Sports Federation Cup baada ya kuifunga Polisi Tanzania mabao 2-0 mchezo uliofanyika kwenye uwanja wa Namfua.

Njombe Mji ndio timu ya kwanza kutinga hatua hiyo baada ya kuifunga Mbao FC kwa mikwaju ya penati 5-4 katika mchezo uliofanyika kwenye uwanja wa Sabasaba Februari 21.

Singida ambayo inakamata nafasi ya nne kwenye msimamo wa ligi kuu ilikuwa ikipewa nafasi kubwa ya kusonga mbele kutokana na ubora wa wachezaji waliopo ukilinganisha na wapinzani wao.

Vijana hao wa kocha Hans van Pluijm walipata mabao hayo kupitia kwa mlinzi Juma Kennedy dakika ya 70 na kiungo Tafadzwa Kutinyu dakika ya 77.

Muda mfupi ujao Azam FC itakuwa mgeni wa KMC katika mchezo utakaofanyika kwenye uwanja wa Azam Complex.