SIMBA KUTORUDIA MAKOSA DHIDI YA KAKAMEGA KESHO

Mabingwa wa Tanzania timu ya Simba imeahidi kutorudia makosa katika mchezo wa nusu fainali dhidi ya Kakamega Homeboyz kesho mchana kama walivyofanya mechi iliyopita ya Kariobangi Sharks.

Simba ilinusurika kutolewa na Kariobangi baada ya kucheza chini kiwango na kufanikiwa kushinda kwa mikwaju ya penati 3-2 kitu ambacho hawataki kitokee tena.

Kocha msaidizi wa mabingwa hao amesema Masoud Djuma amekiri walicheza vibaya mchezo uliopita lakini wamejipanga vizuri kwa mchezo wa kesho ili kupata tiketi ya kuingia fainali.

"Hatukucheza vizuri sana katika mchezo uliopita japo tulipata matokeo, kwa sasa tumejipanga na tunaamini tutafanya vizuri kwenye mchezo wa kesho," alisema Masoud.

Mchezo huo utaanza saa 7 mchana ukifuatiwa na nusu fainali ya pili kati ya mabingwa watetezi Gor Mahia dhidi ya Singida United.