KUTINYU AREJEA KWAO ZIMBABWE

Kiungo mpya wa timu ya Azam FC, Tafadzwa Kutinyu amerejea nyumbani kwao Zimbabwe baada ya kuitwa katika timu ya Taifa.

Zimbabwe inashiriki michuano ya ukanda wa nchi kusini mwa Afrika (COSAFA) na imeamua kumuongeza kiungo huyo ambaye ameonyesha uwezo mkubwa msimu uliopita akiwa na Singida United.

Kutinyu ameondoka jana usiku kuelekea Zimbabwe akiwa amesaini mkataba wa mwaka mmoja kukiwa na kipengele cha kuongeza kama ataonyesha uwezo mkubwa.

Msemaji wa klabu hiyo Jaffer Idd amesema kiungo huyo alikuwa atambulishwe mbele ya Waandishi lakini baada ya kuondoka jambo hilo litafanyika baadae.

"Kutinyu ameondoka jana kuelekea Zimbabwe kwa ajili ya michuano ya COSAFA na ataraejea mara tu baada ya kumalizika," alisema Jaffer.

Kutinyu ataanza kuonekana akiwa na jezi ya Azam katika michuano ya Kagame Cecafa Cup inayotarajia kuanza Juni 29 hapa jijini Dar es Salaam.