AZAM KUTANGAZA WENGINE WAWILI JUMATATU

Klabu ya Azam imesema itatangaza wachezaji wengine wawili iliyowasajili Jumatatu ya wiki ijayo

Azam imeonyesha imedhamiria kufanya vizuri katika michuano ijayo ya ligi kuu kutokana na usajili inayoendelea nao kwa sasa.

Mchana wa jana Azam wamemtambulisha kocha wa Singida United, Mholanzi Hans van Pluijm kuwa mkufunzi wao mpya.

Msemaji wa klabu hiyo Jaffer Idd amesema ilikuwa watangaze wachezaji hao jana lakini wameamua kusogeza hadi Jumatatu ili kukamilisha baadhi ya mambo.

"Tunaendelea kufanya usajili na Jumatatu tutalipua bomu jingine kubwa zaidi ya leo (Jana) tusubiri muda ufike," alisema Jaffer.

Jumamosi iliyopita Azam ilitangaza kumalizana na mshambuliaji Donald Ngoma kutoka Yanga kwa mkataba wa mwaka mmoja.