SPORTPESA YAKANUSHA WACHEZAJI WAPYA KUTOSHIRIKI SUPER CUP

Kampuni ya michezo kubahatisha ya SportPesa imekanusha taarifa kuwa wachezaji wapya wanaosajiliwa kipindi hiki hawatashiriki michuano ya Super Cup itakayoanza wiki ijayo nchini Kenya.

Jana kulitoka taarifa katika mitandao ya kijamii kuwa wachezaji wapya watakao sajiliwa kipindi hiki hawataruhusiwa kushiriki michuano hiyo.

Afisa uhusiano wa SportPesa, Sabrina Msuya amekanusha taarifa hizo na kusema wachezaji wote watakao sajiliwa  wataruhusiwa kushiriki mashindano hayo.

"Taarifa hizo hazina ukweli wowote hakuna wachezaji watakao zuiwa kushiriki michuano hiyo hata kama ndio wamesajiliwa kipindi hiki," alisema Sabrina.

Klabu ya Simba imemjumuisha kikosini mshambuliaji wao mpya Marcel Kaheza waliomsajili kutoka Majimaji kwenye michuano hiyo.

Timu za Simba, Yanga, Singida United na JKU ndio zitaiwakilisha nchi katika michuano hiyo.