PRISONS MMEWASIKIA AZAM WANACHOSEMA?

Azam FC imesisitiza kuwa wamepanga kushinda mechi zote mbili za ligi zilizobaki wakianza na mechi ya Tanzania Prisons siku ya Jumapili.

Azam wamejipanga kumaliza nafasi ya pili kwenye msimamo baada ya kukosa ubingwa ili kuweka heshima.

Msemaji wa klabu hiyo, Jaffer Idd amesema kikosi chao kipo kambini tangu Jumatatu kujiwinda na mchezo huo ambao utafanyika uwanja wa Azam Complex.

Jaffer ameongeza kuwa wanafahamu Prisons ni timu inayotumia zaidi nguvu kwahiyo wamejipanga kupambana nao ili kuibuka na ushindi.

"Tunaiheshimu Prisons ni timu bora na ipo kwenye nafasi nzuri, tunategemea kupata upinzani mkubwa lakini alama tatu ni muhimu kwetu," alisema Jaffer.

Azam ipo nafasi ya pili kwenye msimano wa ligi ikiwa na pointi 52 wakati Prisons ikiwa ya nne na alama zake 45.