OKWI: KAGERA,MAJIMAJI WATATAKA KUTUHARIBIA REKODI

Mshambuliaji wa timu ya Simba, Emmauel Okwi amesema mechi zao mbili zilizosalia zitakuwa ngumu kwao kwakua wapinzani watataka kuvunja rekodi yao kuchukua ubingwa bila kufungwa.

Simba itacheza Mei 19 na Kagera Sugar katika uwanja wa Taifa kabla ya kuifuata Majimaji kumaliza ligi Mei 28.

Okwi ambaye ndiye kinara wa ufungaji amesema kwakua wametawazwa mabingwa wapya bila kupoteza mchezo wowote hivyo wapinzani watataka kuvunja rekodi kitu ambacho kitaongeza ugumu wa mechi hizo.

"Tayari tumechukua ubingwa lakini mechi zetu mbili zilizobaki zitakuwa ngumu kwakua watataka kutuharibia rekodi ya kuchukua ubingwa bila kufungwa.

"Hata hivyo tumejipanga kuhakikisha tunashinda michezo yote ili kuweka rekodi ya kuchukua ubingwa bila kufungwa," alisema Okwi.

Mganda huyo amefungwa mabao 20 kwenye ligi amebakisha mawili kuvunja rekodi ya mshambuliaji wa Yanga, Amiss Tambwe aliyeweka mwaka 2016 ya kumaliza ligi na mabao 21.