DILUNGA AIUA YANGA JIONI

Bao pekee la kiungo Hassan Dilunga limetosha kuipa Mtibwa Sugar  ushindi ya dhidi ya Yanga katika mchezo wa ligi uliopigwa katika uwanja wa Jamhuri mkoani Morogoro.

Dilunga alifunga bao hilo dakika ya 82 baada ya kupiga pasi fupi ndani ya eneo la hatari la Yanga.

Huu ni mchezo wa pili wa ligi mfululizo  kwa Yanga kupoteza baada ya juzi Alhamisi kukubali kipigo cha mabao 2-0 kutoka kwa Tanzania Prisons.

Licha ya kukubali kipigo hicho Yanga ambayo ilitumia wachezaji wengi wa kikosi cha pili ilicheza vizuri ukilinganisha na mchezo uliopita dhidi ya Prisons.

Mshambuliaji Matheo Anthony na kiungo Thaban Kamusoko walipoteza nafasi za kufunga baada ya mashuti yao kugonga mwamba.

Mtibwa imefikisha pointi 37 ikiwa nafasi ya sita wakati Yanga wakibaki nafasi ya tatu na alama zao 48.