MNYAMA KUPAA KESHO NA 'FULL SQUARD

 

Mabingwa wa ligi kuu ya Vodacom timu ya Simba itaondoka kesho kuelekea Kenya kwa ajili ya michuano ya kombe la SportPesa Super Cup ikiwa na wachezaji wote wa kikosi cha kwanza.

Simba imejinasibu kutaka kufanya vizuri kwenye michuano hiyo ili kutwaa ubingwa na hatimaye kupata nafasi ya kucheza na timu ya Everton katika uwanja wa Godson Park.

Mkuu wa kitengo cha habari na Mawasiliano wa klabu hiyo, Hajji Manara amesema watasafiri kesho wakiwa na nyota wao wote isipokuwa wale wenye ruhusa maalum.

Manara amesema wachezaji wao kutoka Ghana ambao ni Asante Kwasi, James Kotei na Nicholas Gyan wamepewa ruhusa ya kwenda mapumziko hivyo hawatashiriki michuano hiyo.

"Timu inaondoka kesho kuelekea Kenya kwa ajili ya michuano ya SportPesa ikiwa na kikosi kamili na lengo kuu ni kutwaa ubingwa," alisema Manara.

Michuano hiyo ambayo itaanza katika hatua ya mtoano ambapo Wekundu hao watacheza na Sharks Juni 4.