KUTINYU AITWA TIMU YA TAIFA YA ZIMBABWE

Kiungo fundi wa Singida United Tafadzwa Kutinyu ameitwa kwenye kikosi cha timu ya Taifa ya Zimbabwe kitakacho shiriki michuano ya Ukanda wa Kusini mwa nchi Kusini mwa Afrika (COSAFA).

Kutinyu ameonyesha kiwango bora msimu huu na ameisaidia Singida kufika hadi nafasi ya tano kwenye msimamo wa ligi.

Kiungo huyo ndiye alifunga mabao yote mawili yaliyoipeleka Singida fainali ya michuano ya FA dhidi ya JKT Tanzania kutika mchezo wa nusu fainali.

Uongozi wa Singida kupitia mitandao yao mbalimbali ya kijamii imemsifu kiungo huyo kwa hatua kubwa ya kuitwa timu ya Taifa.

Michuano hiyo ambayo mwaka jana ilifanyika Afrika Kusini Tanzania ilikuwa timu mwalikwa na ilimaliza nafasi ya tatu.