JPM AWATUMA SIMBA KULETA KOMBE LA AFRIKA MWAKANI

Rais wa Jamhuri ya Muungano wa Tanzania, Dk. John Magufuli amewataka mabingwa wapya wa ligi kuu ya Vodacom timu ya Simba kuhakikisha inachukua ubingwa wa Afrika mwakani.

Rais Magufuli ndiye aliyekabidhi kombe la ubingwa kwa Simba baada ya kukamilika kwa mchezo wa ligi dhidi Kagera Sugar waliokubali kipigo cha bao moja uwanja wa Taifa jioni ya leo.

Rais Magufuli amesema baada ya kufanikiwa kuchukua ubingwa wa Tanzania sasa waongeze nguvu kubwa kwa ajili ya michuano ya Afrika mwakani ili watwae ubingwa.

"Nimefurahi kualikwa kwenye sherehe hizi, nichukue fursa hii kuwapongeza Simba kwa kutwaa ubingwa huu lakini mwakani mnatakiwa kuleta taji la Afrika," alisema Rais Magufuli.

Katika hafla hiyo Rais Magufuli hakusita kuwamwagia sifa wachezaji wa Kagera kwa kucheza vizuri na kufanikiwa kuvunja rekodi ya Simtba kuchukua ubingwa bila kufungwa.