INIESTA ATIMKIA ZAKE JAPAN

Kiungo fundi wa Hispania Andres Iniesta amejiunga na klabu ya Vissel Kobe ya Japan na tayari ametambulishwa rasmi leo katika jiji la Tokyo.

Iniesta, 34, alicheza mchezo wake wa mwisho akiwa na Barcelona Jumapili katika ushindi wa bao moja dhidi ya Real Sociedad baada ya kudumu kwa misimu 16.

Kiungo huyo mchezeshaji alikuwa akihusishwa na klabu ya Chongqing Lifan inayoshiriki ligi ya China pamoja na timu nyingine kutoka Australia.

Mwenyekiti wa klabu ya Vissel Kobe, Hiroshi Mikitani ni Mkurugenzi Mtendaji wa Kampuni ya vifaa vya umeme ya Rakuten ambayo inaidhamini Barcelona.

Iniesta amesaini mkataba wa miaka mitatu na klabu hiyo iliyo nafasi ya sita kwenye msimamo baada ya kucheza mechi 15.

"Kwangu mimi leo ni siku ya furaha na ni changamoto nyingine katika maisha yangu ya soka.

"Japan ni nchi kubwa na tamaduni zao ni mzuri, nafurahi kuwa mchezaji wa timu hii," alisema Iniesta.