EL CLASICO YAMALIZIKA KWA SARE

Pambano la miamba ya soka nchini Hispania la timu za Barcelona na  Real Madrid lililofanyika uwanja wa Nou Camp limemalizika kwa sare ya mabao 2-2.

Mchezo huo ulikuwa wa kasi huku timu hizo zikishambuliana kwa zamu na kwenda mapumziko zikiwa sare ya bao moja.

Luis Suarez aliipatia Barcelona bao la mapema dakika ya 10 kabla ya Cristiano Ronaldo kuisawazishia Real dakika tano baadae.

Sergi Roberto alitolewa kwa kadi nyekundu dakika ya 45 baada ya kumfanyia madhambi Marcelo.

Lionel Messi aliifungia Barcelona bao la pili dakika ya 53 kabla Gareth Bale kuisawazishia Real dakika ya 73.

Barcelona ambao wametawazwa mabingwa wamefikisha pointi 87 wakati Real wakiwa nafasi ya tatu na alama zake 72.