AZAM: TUMEKOSA UBINGWA SASA TUNASAKA HESHIMA

Azam FC imesema kwa sasa wanasaka heshima kwenye ligi badala ya kukosa ubingwa msimu huu kufuatia Simba kutawazwa mabingwa wapya.

Azam itaikaribisha Majimaji  katika uwanja wa Azam Complex jioni ya leo katika muendelezo wa ligi hiyo.

Azam imecheza mechi 27 ikiwa nafasi ya pili na pointi 49 alama moja juu ya Yanga walio nafasi ya tatu lakini ina mechi mbili mkononi.

Msemaji wa klabu hiyo Jaffer Idd amesema kwa sasa wanahitaji kupata pointi tisa katika michezo yote mitatu iliyobaki.

"Kwa sasa hatuna cha kupoteza, tumekosa ubingwa kwahiyo tunahitaji kupata ushindi katika mechi zote zilizobaki kuweka heshima,"alisema Jaffer.